Desde Altofalante preparámonos para a entrada do 2013 con máis ilusión ca nunca, se é posíbel. Este ano que remata deixou o seu elo na nosa cadea de traballo e activamento cultural en Ribeira, comezada hai case oito anos. A muiñada de Carreira ou o premio anual Altofalante, son xa clásicos na liña de actuación da asociación.
 |
| Cartaz da Muiñada de Amendo 2012 (Carreira) |
 |
| Cartaz do acto de entrega do Altofalante do ano a Indignados Barbanza. |
 |
| Cobas entregando o Altofalante do ano a Alejandro Silva, imaxe de Ramón Balvís. |
Porén, tamén foi tempo de renovación. A asemblea ordinaria de Altofalante decidiu o 15 de decembro elixir directiva. Xosé Antonio Vázquez Cobas, agora portavoz do BNG de Ribeira, deixou a presidencia tras anos de traballo para ser relevado polo estudante Carlos Lixó. Canda el, entraron tamén na directiva Alberto Paz e Alejandro Ríos, remozando notabelmente o núcleo da organización.
 |
| Carlos Lixó, o novo presidente. Imaxe de Manolo Arboiro publicada en La Voz de Galicia. |
Para despedir o ano e comezar a súa andaina, a recén escolleita directiva decidiu realizar unha actividade que aínda non se fixera en Ribeira: traerlle o Apalpador en persoa aos nosos nenos. Así, o 28 de decembro este ser máxico veu desde o Courel a recorrer as nosas rúas acompañado de música, alegría e doces.
 |
| O Apalpador en Ribeira, imaxe de Xosé Manoel Segade. |
 |
| O Apalpador e o seu séquito, imaxe de Chechu Río. |
Altofalante prepárase así para un 2013 de ilusión e traballo, coa axuda de todos vós.
Aquí tedes, como repaso, algunhas das novas do ano:
