HOMENAXE Á GALIZA MÁRTIR EN RIBEIRA.
O acto escomenzou cunha introdución do presidente de Altofalante Xosé Antonio Vázquez Cobas . A continuación, diversos socios de Altofalante leron o poema de Luís Pimentel Cunetas, escrito en 1937 na Galiza. Léronse tamén as verbas de Castelao sobre os mártires galegos escritas en Alba de Groria. Rematáronse as lecturas co poema Lembranza de Alexandre Bóveda de Manuel María. O acto finalizou coa ofrenda floral feita por Marivén Sampedro e Silvia Varela, vicepresidenta e tesoureira de Altofalante respectivamente. Ó longo do acto escoitáronse diversas pezas de música galega actual.
